ONEIROCRITICE

ONEIROCRITICE

aris ex somniis divinandi, multo apud Veteres in usu fuit: quae proba, inquit Voss. si iudicium feratur de eo,quod cum somnio nexum habet naturalem; ut de hominis temperie: Improba vero, si nexus sit nullus. Fundamentum eius in mutua affectione et relatione somnii ac rei significatae positum est: quae cum duplex sit, namque aliquid vel disiuncum ac nullo cohaerens nexu naturali, vel contra; varie ea intrpetabantur, aliquando ex similitudme, aliquando ex contrario aliquid colligendo, nonnumquam ex effectu causam, nonnumquam ex causa effectum: item ex toto parzem vel vicissim etc. concludendo. Sic Pompeius ante pugnam Pharsalicam somnium habens, se Veneris Victricis templum multis spoliis exoranre, haerebat anxius: quia bifariam poterat intelligi; ut ex effectu ac consequente significaretur causa sive antecedens quid, vel ut ex causa colligeretur effectus. Prius erat, cum ex eo, quod veneris Victrisitemplum exornaret, iudicabat, victoriam fore penes se, quum post victoriam templa Deorum a victorubs exornari spoliis solerent. Posterius, cum per Venerem intellexit, Veneris propaginem, familiam Iuliam, e qua Caesar erat. Plut. in Pompeio. Dubitabat enim essetne somnium speculativum, rem ostendens, uti futuram: an allegoricum, aenigmatice futurm praenuntians, quomodo somnia distinigut Artemidorus l. 4. c. 2. Scripserunt de vanissima hac Arte multi, Apolladorus Telmissensis, Panyasis Halicarnassaeus, Alexander Myndius, Dionysius Rhodius, Hermippus, Rhilochorus, Geminus Tyrius pluresque alii. Sed exstat ex tam multis Artemidorus Ephesius seu Daldianus, qui Antonini Pii vixit temporibus. cuius opere, rem si spectes, nihil vanius: Verum utilis tamen eius lectio, ob tam multa quae admiscet, de ritibus antiquis et studio Humanitatis. Etiam exstat Graece Achmetis Arabis opus de Divinatione et somniis, iuxta disciplianm Indicam, Persicam et Aethiopicam: qui liber falso Apomasaris nomine Latine primum a Leunclavio fuit editus; sed ipse postea errorem suum in Annal. Turcicis observavit. Praeterea superest Astrampsychus, cuius et Suidas meminit. Item Nicephorus Constantinopolitanus: quorum uterque de hoc argumento Iambicis senariis quaedam reliquit. Gerh. Ioh. Vossius de Philisophia c. 5. §. 50. et 51. De eadem Arte, iam ante Arteidorum, quoque scripsit Apollonius ὁ,

Ἀτταλεὺςut Artemidorus, eius Ὀνειροκριτικὰ citans, ait l. 1. c. 34. et l. 3. c. 28. Tertullian. etiam l. de Anima c. 46. Artemonem, Antiphonta, Stratonem, Philochorum, Epicharmum. Serapionem, Cratippum, Dionysium Rhodium, Hermippum,alios,memorans, praecipuos Epicharmum et Philochorum fuisse docet: Coeterum, inquiens, Ephicharmis etiam summum apicem inter divinationes somniis extulit, Philochoro Atheniensi. Adde Fulgentium qui de Somniorum Interpret. scripsit, de quo idem Voss. de Histor. Graec. l. 3. p. 413. in Serapio. Vide quoque infra in voce Somnium.